maleketzmany

ارقى واروع منتدى عصري ، منتدى ملكه زماني : ابداع بلا حدود / تحت اداره الملكه نانسي maleketzmany site the best site at all
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 ابن نفيسه العمشه واهم حاجات ف حياته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
soul_mate



المساهمات : 5
تاريخ التسجيل : 07/02/2009

مُساهمةموضوع: ابن نفيسه العمشه واهم حاجات ف حياته   الأربعاء فبراير 11, 2009 9:05 am

اول مايشرف ويتولد..............و يشوف نور ربنا يبربش بيهم .. هو ف عين امه معروف حئها وحئه طبعا لان مهما اتكلمنا مش ممكن نحس احساس اعظم مخلوق اللي هوا حواء.بس مش من حئه ياوفر بالذات يعني لو الظرف العائلي عوء وحتي لو ماشاالله مش من حئه التنطيط ع مخاليق ربنا......................

1-الموبايلات واولها لعبه واحيانا ان 73 وع ائفا البنوتات الاميرات.. وبعد كده خد .. هيغير الحته كل 3 ساعات وحججه كتير .مفيهوش بلو توث . بيكسل الكاميرا.العدسات مش نمساوي ووووووووو

2-الحلاقه والموضه..راس ودقن الوان واشكال حتي لو مش ماشيه علي حجم وتكوين الوش .وماشي بنظريه كل ماتحلق الدقن تتقل بسرعه وتطلع بسرعه.عافيه يعني

3-العربيات .لعبه اولها واول ميحس ان رجله ممكن تطول الدواسه/ بابا /يابا ابويا/ علمني السواقه بعدها مظنش هتئدر تعرف تكلمه بس اوعي الغرز والتزنيق والامركه لو عديت جمبه..اما المخالفات وكسر الاشاره والحوادث ركزو بس ف المستشفيات وغرامات مخالفات المرور . ونسبه من هم من نوعيته في ارتكابها.اما المخالفات التنيه/ والراس مونونه عمرانه / ونص العربيه الوراني ف حنه وهو ف حته راجعو البورسعيديه بتوع المستعمل .وياسلام لو الحاج كان بره مصر بيطفح الكوته

4-الطفاسه ..ابن نفيسه وشاكلته ف الغالب بيسمع وبئلد وبس... هي جت عليه هو بس؟/كابتشينو..سوسsauce اما منظره وهو بيحاسب المتر بالمينمم تشارج بيفطس م الدحك /هواصلا داخل كده بدون مايقرا حاجه/ ساقيه الصاوي شباب بئه روشنه ودوبل تفاحي بره علشان الموزز..الكانز احيانا شايله كيموفلاج هو فارغ بس كده منظره بالذات لما البنات تعدي بيئربه من ضبه.وطبعا كانز /هينكل/ او هورس باور واقلتها بيريل.استرجل

5- الموزه والثئافه.. لو قابل موزه ومال قلبه ليها وحس كده بالفكاكه ليها ف السياسه /يساريمين اخوان علمانيه انوسيه دغيديه/ ميهموش ه المهم قلبه اورغبته التنيه تلائيه عربيه اسعاف بسارينه عوء وع الكتب /مدبولي وسط البلد وغيره/ بيقرا قشور علشان يسد ف الجبهه اياها وعليها ازح ووسط صحابها وف الغالب الفضيحه مصيره المحتوم ..لان الفالصو بيبان ومبيعديش بالساهل بالذات ف الجامعه....او ماده للتندر وذكري ملهاش مثيل .مصيبه لو المزه من نوعيه هاي كلاس...وهو نو / انا ضد التفكير ده/ رحماك ربي به

6-الكوره.. وكان مفيش رياضه الاهيا موقف ابن نفيسه ف الشارع والحته وشخصيته بيحدد موقفه من لعب الكوره ودخول الملعب يعني لو طيشه هيفضل طول عمره بره ع الدكه ولو دكر هتلائيه راس حربه.واكيد هيئولك ادام لازم اكون نجم وف الغالب اهلاوي .كده بدون دراسه ووراثه تماما زي التياسه

7-تثبيت البنات... وده بيحصل من اولي حضانه لحد مايبقي جدو ياجدو.. مره التسبيله الشهيره عمال علي بطال مع الرشق ف العيون 24 ساعه ومره بقين من تموره غاششهم ومره سارق كلام حليم ماهو قديم الموزز مش عارفينه ومره كلام الحرافيش ف الشارع ... مع اضافات تكشف عن عور في مشاعره يظهر ف سوقيه الالفاظ وتراثها القديم
/من نوعيه يارض اتهدي.


8-بودي بيلدنج/كمال اجسام وبالذات لو ناويهاجامعه..مجانص- ترابيس- سدر- ولا فان دام ولا غيره هو وبس وكاننا رايحين عركه- في نفخ كمان وعلب وحبوب بلبعه وده مكلف بيئطم الوسط بس وسط المساكين ف البيت لكنها الاوامر

9- السجاير....يموت بس يجربهاف الاول ثم ازاي اداريها عن البيت والحاجه بالذات ماهي السيجاره دليل الرجوله وممكن اوي اوي تئفشه دافس الكليوباترا ف علبه ميريت او ال ام

10- الصوت العالي.ربايه الحاج.لازم صوتك يسرع اللي ادامك يعفرته ...الرجوله زعيق يولاد مش طرطاه ودان واصغاءوفهم وادراك علشن نرد بناءعلي معطيات كلام سليم وبادب


11-التباهي بالسهر لوش الصبح وياحبذا لو كمان بات بره البيت صياعه ده مئطع سمك مصر نيلي بحري ودايس ف الدنيا ع الرابع


12- الكمبيوتر... وطبعا استخداماته كلها هادفه/شات /احدث الرنات/ الكليبات اجمدها افلام.. وكله ف الاخر بيرمي وبيصب ف الشارع وبنشوفه مره تحرش مره سرئه مره دماء ووووووو...قلبي معاكي حبيبتي نفيسه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابن نفيسه العمشه واهم حاجات ف حياته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
maleketzmany :: حوارات شبابيه :: كافيه فضفضة شباب-
انتقل الى: